Халыкара яшьләр көне уңаеннан Казанда дәүләт яшьләр сәясәтенең 30 еллыгына багышланган тантаналы чара узды
Бәйрәм «Созвездие-Йолдызлык» республика үзәгендә үтте һәм Татарстанның барлык районнарыннан яшьләр өлкәсе, учреждение һәм оешма вәкилләрен җыйды. Аларны Татарстан вице-премьеры Ләйлә Фазлыева сәламләде. Чарада мәртәбәле кунак буларак ТР Җир һәм милек мөнәсәбәтләре министры Азат Кадыйров катнашты.
Ел саен Татарстанда коворкинглар, иҗади студияләр, тамаша заллары һәм башка киңлекләрне үз эченә алган, кимендә 30 заманча яшьләр объекты төзелә яки яңартыла.
Татарстан Республикасы яшь буынга уку һәм һөнәри үсеш өчен зур мөмкинлекләр бирә, бу өлкәдә гаҗәеп инфраструктура булдырылды: 400гә якын махсуслаштырылган яшьләр үзәге эшли, ел саен дистәләгән яңа җәмәгать урыннары ачыла.
Проектларны гамәлгә ашыру өчен грант ярдәме дә бар, ә республиканың волонтерлык хәрәкәтендә 298 мең кеше катнаша.