Аерым категория затларга Россия Федерациясе территориясеннән читтә урнашкан чит ил банкларында счетлар (кертемнәр) ачу һәм тоту, акчалар һәм кыйммәтле әйберләр саклау, чит ил финанс инструментларына ия булу һәм алардан файдалану тыелу турында
«Коррупциягә каршы тору турында»гы Федераль законның 7.1 маддәсе нигезендә аерым категория затларга Россия Федерациясе территориясеннән читтә урнашкан чит ил банкларында счетлар (кертемнәр) ачу һәм тоту, акчалар һәм кыйммәтле әйберләр саклау, чит ил финанс инструментларына ия булу һәм алардан файдалану тыела.
Мәсәлән, мондый тыю алмаштыручы (биләүче) затларга кагыла:
- Россия Федерациясенең дәүләт вазыйфалары;
- Россия Федерациясе Генераль прокурорының беренче урынбасары һәм урынбасарлары вазыйфалары;
- Россия Федерациясе Үзәк банкының Директорлар советы әгъзалары вазыйфалары;
- Россия Федерациясе субъектларының дәүләт вазыйфалары;
- Россия Федерациясе Президенты, Россия Федерациясе Хөкүмәте яисә Россия Федерациясе Генераль прокуроры тарафыннан билгеләнә һәм азат ителә торган федераль дәүләт хезмәте вазыйфалары;
- федераль башкарма хакимият органнары җитәкчеләре урынбасарлары вазыйфалары;
- Россия Федерациясе тарафыннан федераль законнар нигезендә төзелгән дәүләт корпорацияләрендәге (компанияләрдәге), фондлардагы һәм башка оешмалардагы вазыйфалар, аларны билгеләү һәм алардан азат итү Россия Федерациясе Президенты яисә Россия Федерациясе Хөкүмәте тарафыннан гамәлгә ашырыла;
- җирле администрация башлыклары, җирле администрация башлыклары вәкаләтләрен башкаручы шәһәр округлары башлыклары, муниципаль округлар башлыклары, муниципаль районнар башлыклары, башка муниципаль берәмлекләр башлыклары вазыйфалары;
- федераль законнар нигезендә Россия Федерациясе тарафыннан төзелгән федераль дәүләт хезмәте, Россия Федерациясе субъектларының дәүләт граждан хезмәте вазыйфалары, Россия Федерациясе Үзәк банкындагы, дәүләт корпорацияләрендәге (компанияләрендәге), фондларындагы һәм башка оешмаларындагы вазыйфалар, Россия Федерациясе суверенитеты һәм милли иминлеге мәсьәләләренә кагылышлы карарлар әзерләүдә, федераль дәүләт органнары алдына куелган, бурычларны үтәү өчен төзелә торган оешмаларда хезмәт шартнамәсе нигезендә аерым вазыйфалар, һәм алар федераль дәүләт органнарының, Россия Федерациясе субъектларының норматив хокукый актларында билгеләнгән исемлекләргә Россия Федерациясе Үзәк банкының норматив актлары белән кертелгән.
Моннан тыш, мондый тыю муниципаль районнарның, муниципаль округларның һәм шәһәр округларының вәкиллекле органнарының үз вәкаләтләрен даими нигездә гамәлгә ашыручы депутатларына, муниципаль районнарның, муниципаль округларның һәм шәһәр округларының вәкиллекле органнарында вазыйфаларны биләүче депутатларга кагыла.
Күрсәтелгән затларның ир белән хатынына һәм балигъ булмаган балаларына Россия Федерациясе территориясеннән читтә урнашкан чит ил банкларында счетлар (кертемнәр) ачу һәм аларның счетлары (кертемнәре) булу, акчалар һәм кыйммәтле әйберләре саклану, чит ил финанс инструментларына ия булу һәм (яисә) алардан файдалану шулай ук тыела.
Әлеге статьяда билгеләнгән тыюны үтәмәү федераль конституциячел законнар һәм тиешле затның хокукый статусын билгеләүче Федераль законнар нигезендә вәкаләтләрне вакытыннан алда туктатуга, биләгән (урын алган) вазыйфасыннан азат итүгә яисә ышанычны югалтуга бәйле рәвештә эштән азат итүгә китерә.