Бердәм дәүләт реестрына республиканың 24 аучылык хуҗалыгы чикләре турында белешмәләр кертелде
«ТР пространство мәгълүматлары фонды» республикада аучылык җирләренең чикләрен билгеләү һәм рәсмиләштерү эшен дәвам итә. Кирәкле процедуралар үткәрелгәннән соң аучылык хуҗалыклары чикләре турындагы мәгълүмат бердәм дәүләт күчемсез мөлкәт реестрына кертү өчен җибәрелә.
Бүгенге көндә БДКМРГА Татарстанның Тәтеш, Кама Тамагы, Зеленодольск, Биектау, Югары Ослан, Буа һәм Арча муниципаль районнарында урнашкан 24 аучылык хуҗалыгы турында мәгълүматлар кертелгән инде.
Моннан тыш, тагын 35 аучылык хуҗалыгының чикләре турындагы мәгълүмат Татарстан Республикасы Биологик ресурслар буенча Дәүләт Комитетына карауга җибәрелгән инде. Бүгенге көндә аларның 16сы килештерүне көтә, ә 19 хуҗалык өчен Чикләрне раслау турында боерыклар әзерләнә.
«Аучылык җирләренә аучылык хуҗалыгы алып бару өчен билгеләнгән территорияләр керә. Чикләрне билгеләү аучылык хуҗалыгы өлкәсендәге эшчәнлекне гамәлгә ашыру өчен генә түгел, ә территорияләрдән нәтиҗәле файдалану өчен дә кирәк", - дип билгеләп үтте ТР Җир һәм мөлкәт мөнәсәбәтләре министры урынбасары Алмаз Кыямов.