Татарстанда ятим балаларны торак белән тәэмин итү буенча системалы эш дәвам итә

Бүген ТР Җир һәм мөлкәт мөнәсәбәтләре министрлыгы коллегиясенең киңәйтелгән утырышы кысаларында министр Фәнил Әһлиуллин ятим балаларга торак бирүнең барышы турында доклад белән чыгыш ясады.

"Ятим балалар турында кайгырту-республикабыз социаль сәясәтенең иң мөһим өстенлеге. 2013 елдан без ятим балаларны 10 миллиард сумнан артыграк күләмдә 5 796 фатир белән тәэмин иттек", - дип хәбәр итте министр.

2025 елда әлеге категориядән тагын 450 кеше торак белән тәэмин ителгән. Шуңа да карамастан, ихтыяҗ арта бара: 2025 ел ахырына исәптә 2 644 кеше торган, бу 2022 ел күрсәткечләреннән бер ярым тапкырга артыграк.

Министр билгеләп үткәнчә, әлеге күрсәткечләр әлеге категория затлары белән тыгызрак уртак системалы эш алып барырга кирәклеген күрсәтә.