Татарстанның "милек витринасы" на 450дән артык объект өстәлгән

2026 елның беренче айларында Татарстан Республикасы мөлкәтенең онлайн-витринасында урнаштырылган объектлар санының сизелерлек артуы күзәтелә, дип хәбәр итә ТР Җир һәм мөлкәт мөнәсәбәтләре министрлыгының Матбугат хезмәте.

Бүгенге көнгә урнаштырылган объектларның гомуми саны 476га җиткән, бу ел башы күрсәткечләреннән 35% ка артык. Алар арасында 259 объект сату яисә арендага алу мөмкинлеге бар, 212 объект кече һәм урта эшмәкәрлек субъектлары арендага алу өчен каралган, шулай ук 5 берәмлек күчемле мөлкәт тапшырылган.

2026 елның 28 гыйнварында онлайн-витриналарны нәтиҗәле тутыру мәсьәләләренә багышланган киңәшмәдән соң шактый алга китеш максатчан эш нәтиҗәсе булды. Чаралар барышында объектларны рәсмиләштерүгә таләпләр җентекләп каралды, карточкалар тутыру буенча тәфсилле инструкцияләр бирелде һәм мәгълүматны тапшыру форматы унификацияләнде.

Исегезгә төшерәбез, инновацион цифрлы инструмент 2025 елда ТР Җир һәм мөлкәт мөнәсәбәтләре министрлыгы тарафыннан Инвестицион үсеш агентлыгы белән берлектә республика Инвестицион порталының махсуслаштырылган бүлеге буларак кертелде. Файдаланылмый торган дәүләт мөлкәтенең бердәм онлайн-витринасы объектларны хуҗалык әйләнешенә нәтиҗәле җәлеп итәргә һәм инвесторларның потенциаль кызыксынуын ачыкларга мөмкинлек бирә.

Объектның һәр карточкасында тулы мәгълүмат бар: фотосурәтләр, кадастр номеры, төзелеш елы, инженерлык коммуникацияләренә тоташу турында мәгълүматлар һәм файдалану вариантлары. Теләсә кайсы физик яки юридик зат заявка калдырып, кызыксындырган объект буенча белгеч консультациясен алырга мөмкин.