Татарстанда күп балалы гаиләләргә 21 977 җир кишәрлеге бирелде

       2014 елның 28 августына булган мәгълүматлар буенча, республикада күп балалы гаиләләрдән кабул ителгән гаризалары буенча җир кишәрлеге алу исемлегенә 27 130 дәгъвачы, шул исәптән Казан шәһәрендә – 5 897, Яр Чаллы шәһәрендә – 3 537 гаилә исемлеккә керде.

       Министрлыкның Җир ресурслары идарәсе белгечләре хәбәр итүенчә, Татарстан Республикасында барлыгы, Казан һәм Яр Чаллы шәһәрләрен исәпкә алып, 25 925 җир кишәрлеге кадастр исәбендә теркәлгән. Казанда – 2 674, Яр Чаллыда -2 327 җир кишәрлеге.

       Бүгенге көндә республиканың иң төп бурычларның берсе булып күп балалы гаиләләргә җир кишәрлекләре бирү тора. Татарстанның 43 муниципаль районында, Казан һәм Яр Чаллы шәһәрендә гаиләләрнең гомуми өлешлек милкенә 21 977 җир кишәрлеге бирелгән. Бу - җир алучылар исемлегенә кертелгәннәрнең 81,01 % тәшкил итә.