Дәүләт милкен һәм җир кишәрлекләреннән файдаланудан Татарстан Республикасы бюджетына 781 миллион 430 мең сум салым булмаган табыш керде

       Бүген, 08.12.2014,  ТР Җир һәм мөлкәт мөнәсәбәтләре министры Азат Хамаев каршында үткән чираттагы оператив киңәшмәдә  агымдагы елның унбер аена республика бюджетына кергән салым булмаган табыш буенча нәтиҗә күрсәткечләре бирелде.

       Министрлыкның Корпоратив идарә итү, хосусыйлаштыру һәм икътисад идарәсе белгечләре хәбәр итүенчә, агымдагы елның 11 аенда республика бюджетына дәүләт мөлкәте һәм җир кишәрлекләреннән файдаланудан 781 миллион 430 мең сум акча керде. Шулай итеп, бюджет йөкләмәсе 100,41 % ка үтәлде.

       Шул исәптән, статьялар буенча:

мөлкәтне арендалаудан – 93,94 миллион сум - план 98,4% ка үтәлгән;

җирне арендалаудан – 27,32 миллион сум – план 104,3 % ка үтәлгән;

мөлкәтне сатудан – 158,96  миллион сум – план 100,1 % ка үтәлгән;

җир сатудан – 14,52  миллион сум акча кергән - план 120,64 % ка үтәлгән;

чиста табыш өлешеннән – 81,24 миллион сум – план 100% ка үтәлгән;

дивидентлардан – 88,91  миллион сум – план 100 % ка үтәлгән;

акцияләр сатудан – 264,46 миллион сум – план 100 % ка;

мөлкәтне ышаныч идарәгә тапшырудан  – 51,46 миллион сум табыш кергән– план 100,5 % ка үтәлгән.