Татарстан Республикасының 100 % өлеше булган ачык акционерлык җәмгыятьләре, дәүләт унитар предприятиеләре җитәкчеләренең исәп-хисап бирү тәртибенә үзгәрешләр кертелде
ТР дәүләт унитар предприятиеләренең хуҗалык кулланылышында булган дәүләт милкеннән файдалану нәтиҗәсен күтәрү, шулай ук устав капиталында 50% артык дәүләт өлеше булган акционерлык җәмгыятьләре эшчәнлегенең үтә күренмәлекләрен арттыру максатыннан ТР Министрлар Кабинетының карары нигезендә Татарстан Республикасының 100 % өлеше булган ачык акционерлык җәмгыятьләре, дәүләт унитар предприятиеләре җитәкчеләренең һәм ачык акционерлык җәмгыятьләренең дәүләт идарә органнары һәм контроле вәкилләренең исәп-хисап бирү тәртибенә үзгәрешләр кертелде.
Хәзер дәүләт унитар предприятиесе җитәкчесе ел саен 1 сентябрьгә кадәр ТР дәүләт хакимиятенең башкарма органына тиешле тәртиптә алдагы елга һәм аннан соңгы тагын 2 елга эш нәтиҗәлелеге күрсәткечләрен кертеп программа төзеп тапшырырга тиеш.
Шулай ук предприятие җитәкчесе ТР Җир һәм мөлкәт мөнәсәбәтләре министрлыгына квартал саен тиешле форма буенча исәп-хисап тотарга тиеш.
Еллык исәп-хисап 5 апрельдән дә соңга калмыйча тапшырылырга тиеш.
Исәп-хисап тоту тәртибенә үзгәрешләр кертү оешма җитәкчеләренең эшчәнлеген алдагы 3 елга алдан нәтиҗәле планлаштыруга ярдәм итәчәк.