Кадастр инженерларын аттестацияләү буенча комиссия утырышы үткәрелде

  14 гыйнвар көне ТР Җир һәм мөлкәт мөнәсәбәтләре министрлыгында министр урынбасары Рөстэм Мерзакреев рәислегендә кадастр инженерларын аттестацияләү буенча комиссия утырышы узды. Утырышта 8 кадастр инженерының квалификацион аттестатларын гамәлдән чыгару яки чыгармау соравы каралды.

       Утырышка чакырылган закон таләпләрен бозган кадастр инженерының  6 сы килде, 2 се төрле сәбәпләр аркасында килмәде.  Кадастр инженерына закон таләпләрен саклауны раслаучы дәлилләр, яки аларны үтәмәүне раслаучы сәбәпләр китерү мөмкинлеге бирелде.

       Комиссия утырышы нәтиҗәләре буенча 7 кадастр инженерының квалификацион аттестатларын гамәлдән чыгармаска дигән карар кабул ителде, 1 сенең  материалларын карау кичектерелде.