ТР Җир һәм мөлкәт мөнәсәбәтләре министрлыгының 2016 елда эш нәтиҗәләре һәм 2017 елга бурычлар турында киңәйтелгән коллегиясе утырышы узды

Күп балалы гаиләләргә бирелә торган кишәрлекләрдә кыенлык­лар туа икән, ярдәмне әллә кайдан көтеп ятмагыз, урында хәл итегез. Премьер-министр урынбасары Васил Шәйхразиев, Җир һәм мөлкәт мөнәсәбәтләре министрлыгының еллык коллегия утырышында район түрәләренә әнә шулай диде.

Узган ел дәүләт һәм муниципаль милектән республика бюджетына 5,5 миллиард сум акча кергән. Министр Азат Хамаев сүзлә­реннән аңлашылганча, бюд­жет җир һәм күчемсез милектән кергән акча хисабына тулылана. Ләкин кү­чемсез милке булу­чы­лар­ның бер өлеше аны рәс­миләштерергә атлыгып тормый. Кайбер җир ки­шәрлекләре кадастр исә­бенә куелмаган килеш файдаланыла. Андый урында калкып чыккан объектлар тиешле рәсмиләштерү узмаган булырга мөмкин. Казан шәһәренең Киров районында урнашкан Приволжская урамында, мәсә­лән, кадастр исәбенә куелмаган җирләрдә 12 шәхси йорт һәм берничә җитеш­терү комплексы төзелгән. “Премьер-министр әмере нигезендә, республикада җир кишәрлекләрен һәм күчемсез милек объектларын инвента­ризацияләш­терү бара”, – диде Азат Хамаев,  район җитәкчеләренә мө­рәҗәгать итеп. Һәм җир­леккә бу уңайдан чаралар күрергә киңәш итте. Ә андый урыннар һәр районда да җитәрлек. Мисалга, шә­һәр тибындагы Биектау бис­тәсендә шәхси торак салу өчен 7035 кишәрлек бирелгән булган, шуның 814ендә күчемсез милеккә хокук теркәлмәгән килеш.

Министр Азат Хамаев белдергәнчә, бюджетка өс­тәмә керемгә ия булуның тагын бер юлы – авыл хуҗа­лыгында булган җирләрне әйләнешкә кер­тү. Соңгы биш елда максатчан кулланылмый торган авыл ху­җалыгы җирлә­ре­нең мәй­даны берничә тапкыр киме­сә дә, бу проблема үзенең актуальлеген югалтмый. Бү­ген җәмгысы 35 мең гектар шундый ки­шәрлек бар. Министр әлеге уңайдан килә­чәктә дә тиешле чаралар күрергә ки­рәк­леген әйтте. 

Коллегия утырышында күп балалы гаиләләргә би­релә торган җир кишәр­лекләре турында да сүз булды. “Идел буе федераль округы буенча безнең республика алдынгы урынны алып торса да, хәл итәсе проблемалар бар әле”, –  диде Азат Хамаев. Татарстанда 44 мең күп балалы гаилә бар. Шуның 39 мең 238е кишәрлек алу өчен исәпкә кергән. 27 мең­ләбенә җир инде бирелгән. Әмма, ни кыз­ганыч, Казанда –  алты мең, Чаллы шәһә­рендә 2,5 мең кишәрлек җитми. Федераль үзәк бе­лән сөйләшүләр алып бару нәтиҗәсендә йорт салу өчен Биектау районыннан – 520 гектар һәм Константиновка бистәсен­нән 117 гектар урын бирел­гән. Министр сүзләреннән аңла­шыл­ганча, дүрт һәм аннан да күп баласы булган гаи­ләләргә Казанның Дәр­вишләр һәм Константиновка бистәләре яныннан җир кишәрлекләре бирелә башлаган. Шулай булса да, Казан белән Чаллыда проблема ахыргача хәл ителеп бет­мәгән килеш. Ә менә Әлмәт, Арча, Бөгелмә, Яшел Үзән, Кукмара, Лениногорск, Мөс­лим, Түбән Кама, Нурлат, Чистай районнарында тоткарлыклар булу министрны бераз аптырашта калдырган. “Бу җир­лек­ләрдә бернинди каршылыклар булырга тиеш түгел”, – диде Азат Хамаев.

Җирлекләрнең эш­чәнлекләре белән таныштыру максатыннан Сарман районы җир һәм мөлкәт мөнәсәбәтләре палатасы рәисе Марат Шәехов башкарылган эшләре турында да әйтеп үтте. Күп балалы гаиләләргә бирелә торган кишәрлекләргә дә тукталды. Аларга җир бирер өчен Җәлил бистәсенең чиклә­рен үзгәртү мәсь­әләсе килеп туган. Ләкин бу җир шәхси кулларда икән. Базар бәясеннән сатып алу өчен зур суммада акча кирәк. Марат Шәехов 26 гектар мәйданны би­ләгән әлеге җирне муниципаль мөл­кәткә алуда яр­дәм сорады. Ләкин Премь­ер-министр урынбасары хәл итү юлларын үзләренә табарга кушты. “Мин Чаллыда эшлә­гәндә бер фермер белән сөй­лә­шеп, 300 гектар җир­не буш­ка алдым. Меңләп гаилә ки­шәрлекле булды. Сез 446 млн сум акча сорыйсыз. Андый акча юк, бул­маячак. Эшләгез, ки­ңә­шегез, юлын табыгыз. Проблеманы әйт­тем, өстән бурыч төште, хәл итәрләр әле, дип ятарга кирәкми”, – диде ул, җир бирүдә чыганаклар таба алмаган районнарга мөрәҗәгать итеп.