Дәүләт милкен һәм җир кишәрлекләреннән файдаланудан Татарстан Республикасы бюджетына 210,42 миллион сум салым булмаган табыш керде

       Министрлыкның  икътисад бүлеге белгечләре хәбәр итүенчә, 2017 елның 6 аенда республика бюджетына дәүләт мөлкәте һәм җир кишәрлекләреннән файдаланудан 210,42 миллион сум акча керде.      

Шул исәптән, елның 6 аенда статьялар буенча:

мөлкәтне арендалаудан – 45,96  миллион сум - план 96,03 % ка үтәлгән;

җирне арендалаудан – 31,97 миллион сум – план 57,35 % ка үтәлгән;

сервитуттан – 1,3 миллион сум – план 209,68 % ка үтәлгән;

мөлкәтне сатудан – 9,77 миллион сум – план 32,57 % ка үтәлгән;

җир сатудан – 5,68  миллион сум акча кергән (бу статьяга план билгеләнмәгән).

мөлкәтне ышаныч идарәгә тапшырудан  – 56,68 миллион сум табыш кергән– план 110,92 % ка үтәлгән;

дивидентлардан – 0,56  миллион сум – план 0,86 % ка үтәлгән;

чиста табыш өлешеннән – 58,09 миллион сум - план 142,73 % ка үтәлгән.