ЯҢАЛЫКЛАР
14.07.202020 ТР Җир һәм мөлкәт мөнәсәбәтләре министрының беренче урынбасары Артур Галиев рәислегендә Татарстан Республикасы территориясендә урнашкан гидротехник корылмаларны инвентаризацияләү буенча эшләрне тәмамлау сораулары буенча киңәйтелгән киңәшмә үтте. Видеоконференцэлемтә режимында узган киңәшмәдә Татарстан Республикасы Муниципаль берәмлекләре, кызыксынган министрлыклар һәм ведомстволар вәкилләре тарафыннан, шулай ук Татарстан Республикасы территориясендә гидротехник корылмаларның бердәм ведомствоара реестрын булдыру мәсьәләсе дә каралды.
ТР җир һәм мөлкәт мөнәсәбәтләре министры Фәнил Әһлиуллин гидротехник корылмаларны теркәү барышы турында ТР Хөкүмәте йортында узган республика киңәшмәсендә хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Бүген ТР Җир һәм мөлкәт мөнәсәбәтләре министрлыгында министрның беренче урынбасары Артур Галиев рәислегендә видеоконференция режимында Татарстан Республикасы Муниципаль берәмлекләре территориясендәге гидротехник корылмаларны исәпкә алуны тәртипкә салу сораулары буенча чираттагы киңәшмә үтте. Бүген Ростехнадзорның Идел буе идарәсе, Татарстан Республикасы Гражданнар оборонасы һәм гадәттән тыш хәлләр министрлыгы, Татарстан Республикасы Авыл хуҗалыгы һәм азык-төлек министрлыгы, "Татарстан Республикасы Муниципаль берәмлекләре Советы" Ассоциациясе һәм кайбер муниципаль берәмлекләр вәкилләре катнашында Татарстан Республикасы министрлыклары һәм ведомстволарының мәгълүматлар базасы белән гидротехник корылмалары саны буенча аермаларны чагыштыру нәтиҗәләре каралды. Чагыштыру нәтиҗәләре буенча республиканың муниципаль берәмлекләрендә гидротехник корылмаларның гамәлдәге исемлегенә төзәтмәләр кертелде.
18 март көнне ТР Җир һәм мөлкәт мөнәсәбәтләре министрлыгында кызыксынган министрлыклар һәм ведомстволар вәкилләре катнашында гидротехник корылмалар исәбен тәртипкә салу буенча киңәшмә үтте. Дәүләт һәм муниципаль хакимият органнарында республика территориясендә урнашкан барлык милек рәвешләрендәге гидротехник корылмаларны исәпкә алуның бердәм формасы булмау сәбәпле, гидротехник корылмаларны исәпкә алу буенча ведомствоара реестрның федераль күзәтчелек органнары хисаплары белән бер үк төрле формасы булдырылды.