• 12.10.2017

    Азат Хамаев Казанның тарихи өлешендә төзелеш мәсьәләләре буенча ведомствоара комиссиясенең чираттагы утырышында катнашты

    Бүген Татарстан Республикасы Президенты Рөстәм Миңнеханов Казанның тарихи өлешендә төзелеш мәсьәләләре буенча ведомствоара комиссиясенең чираттагы утырышын үткәрде.  Казанның баш архитекторы Татьяна Прокофьева шәһәрнең үзәк өлешендә берничә объект төзү һәм төзекләндерү турында мәгълүматны хәбәр итте. Беренче объект итеп, Г.Тукай урамындагы 3-4 катлы "Халыкка көнкүреш хезмәте күрсәтү комбинаты" каралды. Бу проектны ведомствоара комиссиянең барлык әгъзалары хуплады. Ә Калинин урамындагы 8 катлы торак йорт проектын тулырак өйрәнергә, дип карар кылынды. Шундый ук фикер Һади Атласи урамында урнашачак 4 катлы торак йорт проекты буенча да яңгырады. Бинаның архитекторлар тәкъдим иткән варианты утырышта катнашучыларда бәхәс тудырды, биредә урамның тарихи күренешен исәпкә алып эшләү кирәк булуы ачыкланды. Бер юлы шәхси торак төзелешенә караган ике объектның фасадын эшләп бетерергә киңәш ителде. Алар Карельская (Адмирал бистәсе) һәм Хәрби урамнарында урнашачак. Рөстәм Миңнеханов искәртеп узганча, шәһәрнең тарихи өлешендә тарихи масштабны һәм яңа төзелеш стилен саклау регламенты эшли. Ә менә Нур Баян урамында урнашачак 6 катлы бинаның тышкы ягын башкача эшләү соралды. Утырыш барышында Энгельс урамындагы 3-18 катлы торак комплексының проекты кабул ителмәде. Объект сәнәгать районында, Гладилов урамына якын җирдә урнашачак. Рөстәм Миңнеханов фикеренчә, Казанның Киров районы һәм аның архитектур үзенчәлекләре әлегә тиешле бәя алмаган. Биредә, баштан ук дөрес төзелеш рәвешен сайлап, районның йөзенә туры килерлек итеп эшләргә кирәк, диде ул. Чираттагы проект Һади Такташ – Сәлимҗанов урамнарындагы 4 катлы бина булды. Ул ике төрле вариантта тәкъдим ителде. Утырышта катнашучылар аның беренчесен хуплады. Алга таба Яхин – Чернышевский – Исхакый – Мәскәү урамнарындагы квартал төзелеше каралды. Биредә сәүдә үзәге, торак йортлар булдырырга телиләр. Проект XVIII гасырга караган объектларны төзекләндерүне дә үз эченә ала, шулай ук квартал эчендә җәяүлеләр өчен булган юлларны да уйлап бетерү сорала. Алдагы ике объектны –Тукай урамы 97 һәм Горький 16 адресы буенча урнашкан биналарны катнашучылар хуплады. Аларның соңгысы – мәктәп. Шоссейная урамында ("Татарстан-Яңа гасыр" компаниясе медиакомплексы) объект буенча яңа карар кабул ителде. Ә менә 2 нче номерлы тикшерү изоляторының административ комплекс бинасы проекты кабат кире кагылды. Ул Зур урамда урнашкан. Заказ бирүче – Җәзаларны үтәтү Федераль хезмәтенең Татарстан идарәсе. Рөстәм Миңнеханов әлеге объект өчен башка мәйданчык карарга тәкъдим итте. Соңгы проект итеп, Алабуга шәһәренең Мәскәү урамында урнашачак 3 катлы торак йорт тәкъдим ителде. Ул бөтен комиссия әгъзалары тарафыннан хупланды. ТР Президенты Матбугат хезмәте. Елена Бритвина
  • 06.10.2017

    Татарстанда күп балалы гаиләләргә 28 254 җир кишәрлеге бирелде

           2017 елның 04 октябренә булган мәгълүматлар буенча, республикада күп балалы гаиләләрдән кабул ителгән гаризалары буенча җир кишәрлеге алу исемлегенә 43 525 дәгъвачы, шул исәптән Казан шәһәрендә – 10 175, Яр Чаллы шәһәрендә – 6 171 гаилә исемлеккә керде.        Министрлыкның Җир ресурслары идарәсе белгечләре хәбәр итүенчә, Татарстан Республикасында барлыгы, Казан һәм Яр Чаллы шәһәрләрен исәпкә алып, 34 048 җир кишәрлеге кадастр исәбендә теркәлгән. Казанда – 5 284, Яр Чаллыда - 2 622 җир кишәрлеге.        Бүгенге көндә республиканың иң төп бурычларның берсе булып күп балалы гаиләләргә җир кишәрлекләре бирү тора. Татарстанның  муниципаль районнарында, Казан һәм Яр Чаллы шәһәрендә гаиләләрнең гомуми өлешлек милкенә 28 254 җир кишәрлеге бирелгән.
  • 02.10.2017

    ТР Җир һәм мөлкәт мөнәсәбәтләре министрлыгында ветераннарны котладылар

           ТР Җир һәм мөлкәт мөнәсәбәтләре министрлыгында халыкара олылар көнендә ветераннарны котлау матур традициягә кереп китте. Бу елны да, 2 нче октябрь көнне ТР Дәүләт милке комитеты һәм ТР Җир һәм мөлкәт мөнәсәбәтләре министрлыгында  озак еллар хезмәт иткән хезмәт ветераннары өчен тантаналы чара үткәрелде.        Барлык коллектив һәм шәхсән үз исеменнән хезмәт ветераннарын министр Ахат Хамаев котлады. Ул аларның республика икътисады реформалашуы, идарә итүнең яңа алымнары һәм формаларына күчү чоры вакытында министрлык каршына куелган бурычларны уңышлы башкаруларын һәм бүгенге көндә дә яшь кадрларны үстерүдә күрсәткән зур хезмәтләрен азсызыклап үтте. Ветераннарның барысына да озын һәм бәхетле мул тормыш, сәламәтлек күңел күтәренкелеге теләде, олы рәхмәтен белдерде.        Бәйрәм чарасында шулай ук министр урынбасары Рөстәм Шәмеев һәм ТР Җир һәм мөлкәт мөнәсәбәтләре министрлыгы каршындагы Ветераннар советы рәисе Михаил Виноградов катнашты.        Министрлык тарафыннан оештырылган бәйрәм тантанасы ветераннар өчен иң беренче чиратта озак вакытлар күрешмәгән хезмәттәшләре белән очрашу өчен мөһим бер чарага әйләнде. Бу очрашуда аларга бер-берсенә матур теләкләр теләргә һәм истәлекле вакыйгалар, хатирәләрне яңартуга мөмкинлек бирде.        Ветераннар өчен махсус әзерләнгән музыкаль программа әлеге чарага тагын да бәйрәм төсе һәм күңел күтәренкелеге өстәде
  • 29.09.2017

    ТР Җир һәм мөлкәт мөнәсәбәтләре министрлыгында материаль булмаган активларны бәяләү буенча лекцияләр укыла

    Квалификацияне күтәрү курсы кысаларында ТР Бәяләүчеләр Союзы, Тр Җир һәм мөлкәт мөнәсәбәтләре министрлыгы хезмәткәрләре, Югары уку йортларының профильле дисциплина укытучылары МАОК профессоры Хәмид Мәмәдҗанов лекцияләрен тыңлыйлар. Танылган теоретик 1әи матераль булмаган активларны бәяләү практигы Хәмид Мәмәдҗанов тыңлаучылар игътибарын беренче көннән үк кызыксынучанлык белән җәлеп итте, аларның күп төрле сорауларына кызыклы һәм файдалы җаваплар бирде.
  • Ятим балаларга фатирлар төзү сораулары буенча ТР муниципаль берәмлекләр белән видеоконференция режимында киңәшмә
  • Бәяләү өлкәсендә квалификацияне күтәрү курсларын тәмамлаучыларга аттестатлар тапшыру
  • Дәүләт гражданлык хезмәткәрләренең хезмәттә үз-үзләрен тотышы таләпләрен үтәү һәм мәнфәгать конфликтларын җайга салу буенча ТР Җир һәм мөлкәт мөнәсәбәтләре министрлыгы комиссиясе утырышы
  • Бәяләү өлкәсендә семинар

Чаралар планы

Вакыйгалар календаре

Октябрь 2017 ел.

Дш Сш Чш Пҗ Җм Шм Як
       1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31      

Элемтәләр

Адрес:
420043, Казан шәһәре, Вишневский урамы, 26
Телефон:
+7 (843) 221-40-83 (отдел делопроизводства и контроля; эш башкару һәм эш кәгазьләрен контрольдә тоту бүлеге; office-work and control department); 221-40-00 (приёмная министра, министрның кабул итү бүлмәсе, reception of Minister)
Факс:
+7 (843) 236-27-71
E-Mail:
Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования