Дәүләт милкен һәм җир кишәрлекләреннән файдаланудан Татарстан Республикасы бюджетына 231,01 млн сум салым булмаган табыш керде

2021 елның 8 июне, сишәмбе

Министрлыкның  икътисад бүлеге белгечләре хәбәр итүенчә, 2021 елның 31 нче май торышына республика бюджетына дәүләт мөлкәте һәм җир кишәрлекләреннән файдаланудан 231,01 миллион сум акча керде.  Татарстан Республикасы бюджеты каршында бюджет йөкләмәсе 58,68% ка үтәлде.

Шул исәптән, статьялар буенча:

мөлкәтне арендалаудан – 68,62  млн сум - план 125% ка үтәлгән;

җирне арендалаудан – 39,41 млн сум – план 50,6 %ка үтәлгән;

сервитуттан – 0,86 млн сум – план 28,7% ка үтәлгән;

мөлкәтне сатудан – 22,19 млн сум – план 74% ка үтәлгән;

мөлкәтне ышаныч идарәгә тапшырудан  – 48,85 млн сум – план 83,8% ка үтәлгән;

дивидентлардан – 0,58  млн сум – план 1% ка үтәлгән;

чиста табыш өлешеннән – 50,17 млн сум - план 161,3% ка үтәлгән;

башка табышлардан – 0,15 млн сум табыш кергән.