Фәнил Әһлиуллин: хезмәт сөючәнлек һәм җаваплылык белән бергә югары һөнәри осталык-ул уңышлы киләчәкнең ышанычлы нигезе
Территориаль планлаштыру, кадастр исәбе, шәһәр төзелеше эшчәнлеген тәэмин итү буенча дәүләт мәгълүмат системасын булдыру, чикләрне билгеләү, җирдән файдалану һәм төзелеш кагыйдәләре һәм генераль планнарны эшләү мәсьәләләре буенча КДАТУ студентлары Татарстан Республикасы Җир һәм мөлкәт мөнәсәбәтләре министры Фәнил Әһлиуллин белән фикер алыштылар. Министр студентларга территориаль планлаштыру мәсьәләләре турында сөйләде.
Бүгенге көндә иң актуаль мәсьәләләрнең берсе-торак пунктларның һәм территориаль зоналарның чикләрен кадастр исәбенә кую. Фәнил Әһлиуллин билгеләп үткәнчә, бу эшнең мөһимлеге 2024 елның 1 гыйнварыннан үз көченә керә торган яңа кагыйдәгә дә бәйле. Бу кагыйдә буенча, күчемсез милекнең Бердәм дәүләт реестрында җир кишәрлекләре урнашкан территориаль зоналар чикләре турында мәгълүмат булмаса, төзелешкә рөхсәт бирү мөмкин булмаячак.
ТР Җир һәм мөлкәт мөнәсәбәтләре министрлыгы карамагындагы «Татарстан Республикасының пространство мәгълүматлары фонды» учреждениесе тарафыннан муниципаль берәмлекләрнең территориаль планлаштыру һәм шәһәр төзелеше сораулары буенча документларны унификацияләү, шулай ук шәһәр төзелеше эшчәнлеген тәэмин итү буенча дәүләт мәгълүмат системасын булдыру өчен методик тәкъдимнәр эшләнде. Бу стандартлар генераль планнарны гамәлдәге таләпләргә туры китерүнең уникаль методикасы булып тора, бу алга таба Дәүләт торак фондына документларны йөкләргә кыенлыкларсыз гына мөмкинлек бирәчәк.
Генераль планнар турында сөйләгәндә, җирдән файдалану һәм төзелеш кагыйдәләре турында да онытырга ярамый, дип ассызыклады Фәнил Әһлиуллин. Алар, беренче чиратта, шәһәр төзелеше эшчәнлеген тәртипкә салу һәм муниципаль берәмлек җирләреннән файдалануны оптимальләштерү өчен кирәк. Шулай ук ҖЗҮ рөхсәт ителгән җир кишәрлекләрен куллану төрләрен билгеләү һәм үзгәртү, шулай ук дәүләт кадастр исәбен алу процессын гадиләштерә.
Студентлар белән әңгәмә барышында архитектура-төзелеш өлкәсенең булачак белгечләренә файдалы булырга мөмкин булган башка мәсьәләләр дә күтәрелде. Очрашу ахырында министр студентларга зур социаль һәм икътисади әһәмияткә ия булган эшне башкаручы кирәкле белгечләр булырга теләде һәм хезмәт сөючәнлек һәм җаваплылык белән бергә югары профессиональлек – уңышлы киләчәкнең ышанычлы нигезе, дип ассызыклады.