Гражданнарның җир кишәрлекләренә хокукларны теркәү вакытлары кыскартылды
"Россия Федерациясе Шәһәр төзелеше кодексына һәм Россия Федерациясенең аерым закон актларына үзгәрешләр кертү турында" 2022 елның 1 маендагы 124-ФЗ номерлы Федераль законы.
Күчемсез милекне теркәү турындагы закон шәхси хуҗалык алып бару, бакчачылык, үз ихтыяҗлары өчен гараж яисә яки шәхси торак төзү өчен кулланылган участокларга, шулай ук мондый участокларда урнашкан биналар, корылмалар һәм төзелеп бетмәгән объектларга карата кадастр исәбенә алуның һәм хокукларны дәүләт теркәвенә алуның махсус кыскартылган срокларын күздә тотучы нормалар белән тулыландырылган.
Санап кителгән объектлар өчен дәүләт теркәве (кадастр исәбе) вакыты хокукка ия булучының гаризасын теркәү органы тарафыннан кабул ителгән көннән 3 эш көне, ә гариза МФЦ аша бирелгән очракта 5 эш көне тәшкил итәчәк.
Исегезгә төшерәбез, гомуми кагыйдәләр буенча хокукларны дәүләт теркәве 7 эш көне (МФЦ аша – 9 эш көне), кадастр хисабына кую 5 эш көне (МФЦ аша – 7 эш көне) тәшкил итә.
Әлеге закон санап кителгән күчемсез милек объектларына карата кадастр эшләрен үтәүнең максималь вакытын да билгели – 3 эш көненнән артмаска тиеш. Әмма кадастр эшләрен алып барган вакытта җир кишәрлеге чикләрен килештерү зарурлыгы килеп чыкса, искәрмәләр булырга мөмкин.