Татарстан Республикасы муниципаль унитар предприятиеләренең финанс-хуҗалык эшчәнлеге каралды
Кичә ТР җир һәм мөлкәт мөнәсәбәтләре министры урынбасары Эдик Дияров рәислегендә Татарстан Республикасы муниципаль унитар предприятиеләренең (алга таба-МУП) 2022 елның 1 кварталы йомгаклары буенча финанс – хуҗалык эшчәнлеген карау мәсьәләсе буенча видеоконференция режимында киңәшмә узды.
Шулай итеп, республикада 2022 елның 1 кварталы ахырына 114 МУП теркәлгән, шуларның 92 се гамәлдә, 10 МУПта эшчәнлек юк, 9 ы бетерү процедурасында һәм 3 предприятие банкротлык процедурасында.
Министр урынбасары Эдик Дияров билгеләп үткәнчә, үткәрелгән анализ күрсәткечләре буенча зыянга эшләүче предприятиеләрнең саны 2022 елның 1 кварталы ахырына 44 МУП тәшкил иткән, аккредитацияләнгән 21 МУП. Иң зыянга эшләүче оешмалар - Казан, Яр Чаллы, Әлмәт, Бөгелмә, Югары Ослан, Нурлат һәм Түбән Кама муниципаль районнарында. Аккредитацияләнгән муниципаль берәмлекләр: Яр Чаллы шәһәре, Казан шәһәре, Актаныш, Менделеевск һәм Түбән Кама муниципаль районнары.
Киңәшмәдә муниципаль милекне югалту куркынычы булган иң зыянга эшләүче һәм күп кредитлары булган муниципаль предприятителәр эшчәнлеге каралды. Муниципаль берәмлекләр вәкилләре һәм карала торган МУП җитәкчеләре тарафыннан предприятиеләрнең зыянга эшләү сәбәпләре һәм аларның финанс күрсәткечләрен яхшырту өчен күрелә торган чаралар турында аңлатмалар бирелде.
Министр урынбасары үз чыгышында шулай ук дәүләт унитар предприятиеләрен һәм муниципаль унитар предприятиене үзгәртеп кору буенча 2025 елның 1 гыйнварына кадәрге чорга Татарстан Республикасы чаралары планын үз вакытында үтәү кирәклеген билгеләп үтте.