Татарстан Республикасының Җир һәм мөлкәт мөнәсәбәтләре министрлыгы өстәл теннисы буенча 2 нче урынны алды
Бүген ТР Дәүләт хезмәткәрләре спартакиадасы кысаларында Бокс һәм өстәл теннисы үзәгендә өстәл теннисы буенча ярышлар узды.
Ярышларда Татарстан Республикасы Рәисе хакимиятен, Татарстан Республикасы Дәүләт Советын, Татарстан Республикасы Министрлар Кабинеты Аппаратын, республика министрлыкларын һәм федераль ведомстволарның территориаль идарәләрен тәкъдим иткән 20 команда катнашты.
Ярымфиналда Министрлык җыелма командасы ТР буенча Федераль казначылык идарәсе командасы белән уйнады, ә финалда - ТР Администрациясе командасы белән.
Турнирда Татарстан Республикасы Җир һәм мөлкәт мөнәсәбәтләре министрлыгы данын Ринат Газизов, Рамил Латыйпов һәм Екатерина Двоеглазова яклады.
Гомумкоманда зачетында Татарстан Республикасы Администрациясе - беренче, Татарстан Республикасы Җир һәм мөлкәт мөнәсәбәтләре министрлыгы - икенче, Татарстан Республикасы Авыл хуҗалыгы һәм азык-төлек министрлыгы өченче урынны алды.