"Кыйммәтле металлардан һәм (яисә) асылташлардан ясалган бүләк алганда гамәлләр тәртибе»
Кыйммәтле металлардан һәм (яисә) асылташлардан эшләнгән бүләк, сатып алу турында гариза булмаган яки бүләкне сатып алудан баш тарткан очракта, Россия Федерациясенең кыйммәтле металлар һәм кыйммәтле ташлар дәүләт фондына күчерү өчен Россия Гохранына тапшырылырга тиеш.
Бүләкнең кыйммәтле металллардан һәм (яисә) асылташлардан эшләнүе турындагы мәгълүмат аларга озата баручы документларда булырга тиеш, шулай ук бәяләүчеләрнең үз-үзен җайга салучы оешмаларының берсенең Россия Федерациясе законнары таләпләре нигезендә үз җаваплылыгын иминләштергән әгъзалары тарафыннан бәяләү үткәрелгәндә алынырга мөмкин.
Бүләк тапшырган зат вазыйфаны биләгән (хезмәт эшчәнлеген башкарган) оешмаларның дәүләт (муниципаль) органының вәкаләтле структур бүлекчәсе бүләкне федераль элемтә агентлыгының җирле махсус элемтә бүлекләре яки башка махсуслаштырылган оешма аша Россия Гохранына түбәндәге адрес буенча посылкаларда җибәрә: 121170, Мәскәү, 1812 ел ур., 14 йорт, яисә бүләкне турыдан-туры Россия Гохранына тапшыра. Посылкаларда алучының һәм җибәрүченең адреслары күрсәтелә.
Бүләкләрне Россия Гохранына җибәргәндә бүләкнең авырлыгы, пробасы, кыйммәтле металлның яисә асылташның исеме һәм бүләкнең аермалы билгеләре күрсәтелгән (тиешле мәгълүмат булганда) тәфсилле тасвирлама төзелә. Опись өч нөсхәдә төзелә, аларның берсе җибәрүчедә кала, икенче нөсхәсе бүләк белән посылкага салына һәм өченче нөсхәсе посылка белән бер үк вакытта озата баручы хат белән Россия Гохранына җибәрелә. Бүләкне турыдан-туры Россия Гохранына тапшыру вәкаләтле затлар имзалаган кабул итү-тапшыру акты буенча гамәлгә ашырыла.
Бухгалтерлык исәбенә кабул ителгәндә бүләккә карата экспертиза үткәрелгән очракта, бүләкнең кыйммәтле металлардан һәм (яисә) асылташлардан эшләнгәнлеген раслаучы аның нәтиҗәләре турындагы документларның күчермәләре шулай ук Россия Гохранына тапшырыла. Кыйммәтле әйберләр алуны раслап, Россия Гохраны заказлы хат белән кыйммәтле әйберләр салынган посылкаларны кабул итү актын җибәрә йә аны вәкаләтле вәкилгә тапшыра.
Россия гохраны Россия дәүләт фондына кыйммәтле әйберләрне күчергәннән соң 10 көн эчендә бүләк тапшыручыга әлеге бүләкне Россия дәүләт фондына күчерү һәм аның бәясе турында кабул итү-исәп актын юллый.
Күрсәтелгән бүләкләргә алдан экспертиза үткәрү нәтиҗәсендә бүләкнең үзендә 10% тан артык кыйммәтле металл һәм (яисә) кыйммәтле таш булмавы ачыкланса, мондый бүләк Россия дәүләт фондына кертелергә тиеш түгел һәм бүләкне тапшырган вәкаләтле структур бүлекчәгә аны куллану, гамәлгә ашыру яки аның белән башка гамәлләр кылу турында Карар кабул итү өчен кире кайтарыла.