РФ Дәүләт Думасы тарафыннан 2024 елның ноябрендә"Россия Федерациясендә Махсус икътисадый зоналар турында "Федераль законның 32 статьясына һәм Россия Федерациясе Җир кодексының 22 статьясына үзгәрешләр кертү хакында" 731795-8 номерлы Федераль закон проектын(җир кишәрлекләренә аренда хокукларын залогка бирү өлешендә)I укылышта карау планлаштырыла.
Проект Россия Федерациясе Хөкүмәте тарафыннан махсус икътисадый зоналар (алда — МИЗ) эшчәнлеген җайга салу өлкәсендәге законнарны камилләштерү максатларында әзерләнгән.
"Россия Федерациясендә Махсус икътисадый зоналар турында" Федераль законның 32 статьясы нигезендә МИЗ резиденты - дәүләт (муниципаль) милкендәге җир кишәрлеген арендалаучы аренда хокукларын залогка бирергә хокуклы түгел. МИЗ резиденты җир кишәрлеген милеккә сатып алганда чикләүләр алынды. "Россия Федерациясендә Махсус икътисадый зоналар турында" Федераль законның гамәлдәге редакциясендә МИЗ резиденты тарафыннан җир кишәрлеген сатып алу бары тик МИЗда эшчәнлек алып бару турында килешү шартлары үтәлгәннән соң, инвестиция проектын финанслау гамәлгә ашырылганнан соң гына мөмкин дип билгеләнгән.
МИЗ резидентларының инвестиция проектларын гамәлгә ашыру өчен тышкы заем финанславын җәлеп итү максатларында төзелеш этабында МИЗ резидентларына дәүләт (муниципаль) милкендәге җир кишәрлекләренә аренда хокукларын залогка бирү буенча чикләүләрне бетерү тәкъдим ителә. Күрсәтелгән чикләүләрне бетерү МИЗ резидентларына тышкы заем финанславының өстәмә күләмнәрен җәлеп итәргә мөмкинлек бирәчәк.