Җир кишәрлекләреннән файдалану кагыйдәләре: милекчеләр нәрсәләр белергә тиеш

2025 елның 1 мартыннан милекчеләрне ИЖС яисә бакчачылык өчен җир кишәрлекләрен тиешле срокларда үзләштерергә мәҗбүр итә торган федераль закон гамәлдә.

Документ билгели:

• Хокуклар сатып алынганнан соң җир кишәрлекләрен үзләштерү өчен өч ел вакыт
• Үзләштерү буенча кирәкле чаралар: рельефны тигезләү, ваклау, киптерү, чүп үләннәреннән чистарту һ. б.

Җир кишәрлекләреннән файдаланмау билгеләре

• Төзелеш участоклары өчен : 5 ел дәвамында төзелгән һәм рәсмиләштерелгән бинаның булмавы
• ИЖС өчен : 7 ел дәвамында төзелгән һәм теркәлгән йортның булмавы
• Бакча һәм яшелчә кишәрлекләре өчен: теркәлгәннән соң бер ел узгач, 50% тан артык мәйданда чүп үләннәрнең 1 метрдан югарырак үсүе
• Барлык төр участоклар өчен: мәйданның 50% тан артыгы чүпләнү/калдыклар белән пычрану
• Төзелешләр булганда: аларның җимерелүе (түбәсе, диварлары, тәрәзәләре) ел дәвамында торгызылмыйча

Хокук бозуларны ачыклау белән Росреестр һәм җирле үзидарә органнары шөгыльләнә. Сатудан акча алынганда, сату үткәрүгә чыгымнарны тотып калганнан соң, элеккеге хуҗасына кайтарыла.

"Дәүләтнең шәхси милектән участок алу бурычы юк һәм беркайчан да булмады. Гражданнарны үзләре ташлаган җир кишәрлекләренә кире кайтырга һәм аларның язмышын хәл итәргә этәрүнең төп максаты - хокук ияләре кушканча, аларны үзләштерергә һәм кулланырга, яисә кирәк булмаса сатарга», - дип билгеләде ТР Җир һәм милек мөнәсәбәтләре министры урынбасары Кыямов Алмаз.