Россия Федерациясенең Иҗтимагый палатасындагы күргәзмәдә ТР шефлыгында булган өлкәләренә булган ярдәмнең киң колачлыгын
Россия Федерациясенең Иҗтимагый палатасында «Тыл һәм фронт: уртак Җиңү» дип исемләнгән фотокүргәзмә ачылды. Ул Татарстан Республикасының Луганск Халык Республикасына гуманитар ярдәменә багышланганды. Шулай ук чара республикабызның волонтерларының ярдәме һәм хәрбиләрнең МХӘ зонасындагы эшен күрсәтүче «Не шелковый путь» документаль фильмын да үз эченә алды.
Экспозиция Татарстанның һәм аның шефлык астында булган Лисичанск белән Рубежное шәһәрләрендә эшнең нәтиҗәләрен ачык итеп күрсәтә. Проектта инфраструктураны торгызу һәм фронт сызыгы янындагы зоналарда тормышны җайга салуда һәр көн саен хезмәт куючы торгызу бригадаларының, белгечләрнең һәм волонтерларның эшчәнлегенә аерым игътибар бирелгән.
Татарстан Республикасы Җир һәм мөлкәт мөнәсәбәтләре министры Фәнил Әһлиуллин күргәзмәнең халык бердәмлеге һәм ярдәм итәргә әзерлекнең дәлиле буларак югары әһәмиятен билгеләп үтте: «Бу фотографияләргә карагач, төрле шартларда эшләгән еллар искә төшә. Бу күргәзмә Татарстанның оператив рәвештә ЛХР шәһәрләренә ярдәм итү процессына кушылып китүе турында тарихны күрсәтә. Барлык авырлыкларга карамастан, безнең торгызу бригадалары Лисичанскида һәм Рубежноеда даими рәвештә булып, кирәкле ярдәм күрсәтәләр: коммуналь системаларны ремонтлыйлар, гуманитар ярдәмне кабул итүне һәм таратуды тәэмин итәләр».
Экспозициядә шәһәрләрне торгызу процессын гына түгел, авырлыкларга карамастан яшәвен, эшләвен һәм хыяллануын дәвам итүче халыкны сурәтләгән кадрлар да аерым урын алып тора. Ольга Павлова ассызыклаганча, күргәзмә - «заман тавышы һәм чор документы», андагы һәрбер сурәт – батырлыкны сурәтли.
Махсус хәрби операциядә катнашучы, РФ Саклану министрлыгының «Ватандашлар» штурм бригадасы хезмәткәре, Чуашия Республикасындагы «Ватандашлар ветераннары» иҗтимагый оешмасы җитәкчесе Денис Спирин азат ителгән территорияләрдәге тормышта сыйфатлы үзгәрешләргә игътибар итте: «Бөтен ил тырышлыгы белән ЛХРда, ДХРда, шулай ук Запорожье һәм Херсон өлкәләрендә яхшы тормыш кайта башлады. Бүгенге көндә анда сыйфатлы юллар бар, сыйфатлы инфраструктура төзелә. Ярдәм һәрвакыт һәм барлык территорияләрдә кирәк, туктарга ярамый».
«Не шелковый путь» документаль фильмы күргәзмәне тулыландырып, Татарстаннан килгән волонтерлар һәм бу ярдәмнең алар өчен кадерле булган сугышчылар турындагы вакыйгаларны күрсәтте. РФ Иҗтимагый палатасында узган чара Татарстанның Россиянең яңа территорияләрендә тыныч тормышны торгызуга керткән өлеше зур һәм файдалы булуын раслады.