Эшмәкәрлек буенча совет утырышында бәяләүчеләр һәм дәүләтнең үзара хезмәттәшлеге проблемалары турында сөйләшенде

Эшмәкәрлек үсеше өлкәсендә дәүләт политикасын нәтиҗәле тормышка ашыру һәм ТР дәүләт хакимияте органнары  һәм эшмәкәрлек эшчәнлеге субъектларының үзара хезмәттәшлеген көчәйтү максатыннан ТР Президенты Указы белән ТР Президенты каршында Эшмәкәрлек буенча совет булдырылды. Бәяләүчеләрнең Советка юнәлтелгән дәүләт һәм муниципаль милекне бәяләү сыйфатына кагылышлы  мөрәҗәгатьләре кысаларында киңәшмә үткәрелде. Киңәшмәдә ТР Җир һәм мөлкәт мөнәсәбәтләре министрлыгының бәяләү бүлеге хезмәткәрләре, ТР Президенты каршындагы Эшкуарлар хокукларын яклау буенча вәкаләтле вәкиле, бәяләүчеләр һәм ТР Бәяләүчеләр союзы җитәкчеләре катнаштылар.