Таһир Хөснетдинов Татарстан Республикасы чикләрен билгеләү буенча эшче төркемнең чираттагы утырышын уздырды
2020 елның 3 сентябрендә Татарстан Республикасы Җир һәм мөлкәт мөнәсәбәтләре министрлыгында видеоконференция режимында Татарстан Республикасы Җир һәм мөлкәт мөнәсәбәтләре министры урынбасары вазифаларын башкаручы Таһир Хөснетдинов рәислегендә Татарстан Республикасы чикләрен билгеләү буенча эшче төркем утырышы узды.
Эшче төркем утырышы барышында Татарстан Республикасының Чуваш Республикасы белән чиктәш чиге турында фикер алышынды, Чуваш Республикасында урнашкан Чаваш Варман милли паркы янында Татарстан Республикасының анклава территорияләрен узу кебек мәсьәләләр буенча фикер алышуга аерым игътибар бирелде.
Татарстан Республикасы белән Чуаш Республикасы чикләренең озынлыгы биш йөз километрдан артык. Чиктә республиканың Апас, Буа, Яшел Үзән, Чүпрәле һәм Кайбыч районнары урнашкан.
Татарстан Республикасы чикләрен билгеләү буенча эшче төркем утырышы атна саен уза. Анда Татарстан Республикасы Җир һәм мөлкәт мөнәсәбәтләре министрлыгы, «ТР пространство мәгълүматлары фонды» ДБУ, Дәүләт теркәве, кадастр һәм картография федераль хезмәтенең ТР буенча идарәсе, «Росреестр ФКП» ФДБУ ТР буенча филиалы вәкилләре катнаша.