Министр Фәнил Әһлиуллинның дәүләт милке белән идарә итү буенча республика органы төзелүгә 30 ел тулу уңаеннан котлавы
Бүген безнең ведомство үзенең 30 еллык юбилеен билгеләп үтә. Әмма ул 19 нчы гасырдан ук башлана, ул чакта император Николай 1 указы белән Казанда җирле Губернатор канцеляриясе каршында Дәүләт милке белән идарә итү буенча Палата оештырыла. Ул революциягә кадәр бар иде. 80-90 еллар чигендә милек мөнәсәбәтләрен җайга салу янә актуальләшә бара. Татарстан ССР Югары Советы карары белән 1991 елның 7 февралендә дәүләт милке белән идарә итү буенча Татарстан Дәүләт комитеты гамәлгә куела. Дәүләт комитеты икътисад һәм халыкның, барыннан да элек, җирдән файдалану өлкәсендә төп мәнфәгатьләренә кагылышлы базар реформаларын үткәрү инструментына әверелде. Татарстан Республикасы Президентының 2001 елның 11 маендагы Указы белән дәүләт милке белән идарә итү буенча Дәүләт комитеты һәм Татарстан Республикасының Җир ресурслары һәм җир реформасы буенча Дәүләт комитеты базасында Татарстан Республикасы җир һәм мөлкәт мөнәсәбәтләре министрлыгы төзелде.
Югары корпоратив культура һәм җитәкчеләр һәм хезмәткәрләрнең һөнәри компетенцияләре аркасында, Министрлык коллективы Татарстан Республикасының икътисадый һәм социаль үсешендәге масштаблы бурычларны хәл итүдә уңышлы катнаша.
Икътисади һәм социаль тормыш рәвешен Глобаль цифрлаштыру чорында республика үз министрлыгыннан, аның һәр хезмәткәреннән, җитлеккән идарә итү, социаль юнәлешле карарлар һәм актив гамәлләр көтә.
Хөрмәтле хезмәттәшләр! Кадерле ветераннарыбыз! Җир-мөлкәт мөнәсәбәтләре өлкәсе хезмәткәрләре!
Сезне чын күңелдән әлеге истәлекле дата белән котлыйм. Бетмәс-төкәнмәс сәламәтлек, эшлекле һәм иҗади энергия, эшегездә, укуда, гаилә тормышыгызда иң югары стандартларга ирешүгә даими омтылучанлык телим!
Сезгә һәм якыннарыгызга сәламэтлек, җан тынычлыгы һәм уңышлар телим!