ЯҢАЛЫКЛАР

Бүген министр урынбасарлары, структур бүлекчәләр һәм ведомство карамагындагы учреждениеләр җитәкчеләре катнашында министр Фәнил Әһлиуллинда каршында узган атналык киңәшмә шатлыклы вакыйгалардан башланды. Министр Фәнил Әһлиуллин Татарстан Республикасының дәүләт хезмәткәрләре арасында өстәл теннисы буенча ярышларда 2 урын яулаган Татарстан Республикасының Җир һәм мөлкәт мөнәсәбәтләре министрлыгы командасын зур шатлык белән котлады һәм Спартакиадада уңышлар теләде. Министр, шулай ук, Татарстан Республикасы Президенты каршындагы дәүләт хезмәте һәм кадрлар департаменты вәкиле Резедә Гыйльмиева катнашында, беренче тапкыр дәүләт граждан хезмәтенә кергән министрлык хезмәткәрләренә таныклыклар тапшырды. Яшь белгечләрне шулай ук ТР Җир һәм мөлкәт мөнәсәбәтләре министрлыгының Ветераннар советы рәисе Михаил Виноградов котлады.

2019 елның 26 октябрендә Татарстан Республикасы Дәүләт хезмәткәрләре Спартакиадасы кысаларында бокс һәм өстәл теннисы үзәге базасында өстәл теннисы буенча ярышлар узды.

Ярышларда ТР Җир һәм мөлкәт мөнәсәбәтләре министрлыгы командасы: Хәсәншин Равил (кадастр мөнәсәбәтләрен хокукый тәэмин итү бүлеге башлыгы), Риназ Камалов (икътисад бүлегенең әйдәп баручы консультанты), Белова Юлия (дәүләт милкеннән файдалану бүлегенең әйдәп баручы консультанты), кадрлар бүлеге башлыгы Ринат Газизов (кадрлар бүлеге башлыгы), Олег Масленков (режим-яшерен хезмәт бүлегенең әйдәп баручы киңәшчесе) һәм Вероника Тюрикова (корпоратив идарә бүлеге башлыгы) составындагы команда икенче урынны яулады.

Октябрьнең һәр соңгы якшәмбесендә үзләренең һөнәри бәйрәмнәрен пассажирларны һәм йөкләрне ташу, шулай ук автотранспорт чараларының тиешле техник торышы турында кайгыртучы кешеләр билгеләп үтә.

2019 елның 25 октябрендә «Матди тәэмин итү идарәсе» дәүләт бюджет учреждениесендә автомобиль транспорты хезмәткәрләре көненә багышланган тантаналы чара узды.

«Матди тәэмин итү идарәсе» ДБУ хезмәткәрләрен бүләкләү тантанасында ТР Җир һәм мөлкәт мөнәсәбәтләре министры Фәнил Әһлиуллин һәм министрның беренче урынбасары Артур Галиев катнаштылар.

25.10.2019 ТР Җир һәм мөлкәт мөнәсәбәтләре министрлыгында министрның беренче урынбасары Артур Галиев җитәкчелегендә кызыксынучы яклар катнашында Универсиада-2013 спорт объектларының яңгыр канализацияләре челтәрләренең техник характеристикаларына үзгәрешләр кертү сораулары буенча киңәшмә үтте (Кол Гали ур., Җ. Фәйзи ур., бокс үзәге, о. Кошевой ур., «Триумф» СК).
Үткәрелгән киңәшмә нәтиҗәләре буенча Казан шәһәре муниципаль берәмлеге Башкарма комитетының Тышкы төзекләндерү комитеты, «Техник инвентаризация бюросы» АҖ һәм Татарстан Республикасы төзелеш, архитектура һәм торак-коммуналь хуҗалык министрлыгы белән берлектә, челтәрләрне тикшерү актын карау һәм төзү максатыннан чыгып, комиссия белән чыгу турында Карар кабул ителде.

2019 елның 24 октябрендә Татарстан Республикасы Президентының «Татарстан Республикасында халыкка юридик ярдәм күрсәтү һәм хокукый агарту системасын үстерү чаралары турында» 2010 елның 22 мартындагы 156-УП номерлы Указын гамәлгә ашыру кысаларында Республика мәгълүмат-консультация төркеме Татарстан Республикасы Яңа Чишмә муниципаль районында булды.

Татарстан Республикасының башка министрлыклары һәм ведомстволары вәкилләре белән берлектә мәгълүмати-консультацион төркем эшендә ТР Җир һәм мөлкәт мөнәсәбәтләре министрлыгы Хокук идарәсенең дәүләт мәнфәгатьләрен яклау бүлегенең әйдәп баручы консультанты Александр Паймухин катнашты.

Бүген  Иннополис Университеты  базасында өстәмә һөнәри белем программасы - «CDO (Chief Data Officer) - мәгълүматларга нигезләнгән идарә программасы буенча укулар башланды.:
- 2019 елның 24-26 октябре (беренче көндезге модуль);
- 2019 елның 27 октябреннән 19 ноябренә кадәр (программаны үзләштерү һәм төркем проектларын әзерләү өчен кирәкле дистанцион модуль);
- 2019 елның 20-22 ноябре (икенче көндезге модуль).
Укыту мастер - класслар, төркем эшләре, воркшоплар һ. б. форматында алып барыла.
ТР Җир һәм мөлкәт мөнәсәбәтләре министрлыгы командасы составында укуда 20 хезмәткәр катнаша.

23.10.2019 ТР Җир һәм мөлкәт мөнәсәбәтләре министрлыгында дистанцион мониторингның комплекслы системасын булдыру сораулары буенча киңәшмә үтте. Киңәшмә эшендә ТР Президенты ярдәмчесе Рөстәм Мерзакреев, «Татарстан Республикасының пространство мәгълүматлары фонды» дәүләт бюджет учреждениесе вәкилләре, «Дәүләт кадастр бәяләве үзәге» дәүләт бюджет учреждениесе вәкилләре, Иннополис Университеты вәкилләре катнашты. 
Киңәшмәдә контроль-күзәтчелек эшчәнлегенең түбәндәге төрләрен гамәлгә ашыру өчен дистанцион мониторингның комплекслы системасын кертү мөмкинлеге турындагы сораулар каралды: теркәлмәгән күчемсез милек объектларын ачыклау, үз белдеге белән төзелгән җир кишәрлекләрен үзләштерү, ТР Муниципаль берәмлекләре чикләрен исәпкә алу.

Бүген Татарстан Республикасы Президенты Рөстәм Миңнеханов республиканың кече нефть компанияләренең 2019 елның 9 ае эчендәге эшчәнлеге йомгаклары һәм киләчәккә бурычлары буенча киңәшмә уздырды.  

Киңәшмәдә «Татнефть» ГАҖ генераль директоры Наил Маһанов, Татарстан Республикасы Президенты ярдәмчесе Шәфәгать Тәһәветдинов, кече нефть компанияләре җитәкчеләре, республика министрлыклары һәм ведомстволары, федераль структуралар вәкилләре дә катнашты

Рөстәм Миңнеханов билгеләп үткәнчә, быелның 3 кварталы йомгаклары буенча республикада нефть чыгаруның уңай динамикасы сакланып калды – үсеш үткән елның шушы чорына карата 2,2%ка артык (уртача Россия буенча үсеш 1,9% тәшкил итә). Татарстанда 9 ай эчендә 27 млн 461 мең тонна нефть чыгарылган, бу үткән елның шушы чорына карата 580 мең тоннага артык. Шушы күләмнәрдән 22 млн 107 мең тонна «Татнефть» компаниясенә туры килсә, 5 млн 353 мең тоннасы – кече нефть компанияләренә.   

«Кече нефть компанияләре 122 млрд сумлык продукция төяп җибәргән. Барлык дәрәҗәдәге бюджетларга салым кертемнәре 88 млрд сум – республика территориясендә тупланган салым һәм салым булмаган керемнәрнең гомуми күләмендә 11%», - диде Татарстан Республикасы Президенты. 

Ул ассызыклаганча, нефть сәнәгатенең тотрыклы эшләве нәтиҗәсендә Татарстанда сәнәгать җитештерүе индексы 101,3% тәшкил итә. 

«Республика 40тан артык программаны уңышлы гамәлгә ашыра. Киләсе елга тагын берничә яңа программаны гамәлгә ашырырга җыенабыз.Аерым алганда, “Безнең ишегалды” программасы кысаларында 3 ел эчендә 6 меңләп ишегалды хуҗалыгы тәртипкә китереләчәк. Шулай ук стационарларны, мәдәният, мәгариф, спорт объектларын капиталь ремонтулау программасы да планлаштырыла», - диде Рөстәм Миңнеханов.

«Дәүләт кадастр бәяләве турында» 2016 елның 3 июлендәге 237-ФЗ номерлы Федераль закон, ТР Җир һәм мөлкәт мөнәсәбәтләре министрлыгының 01.10.2019 елдан 3087 – р номерлы боерыгы (алга таба-ТР Җир һәм мөлкәт мөнәсәбәтләре министрлыгы) нигезендә су фонды, урман фонды, ТР махсус сакланыла торган территория һәм объект җирләре дәүләт кадастр бәясе нәтиҗәләре расланды.
Татарстан Республикасы Җир һәм мөлкәт мөнәсәбәтләре министрлыгының 01.10.2019 ел, №3087-р «су фонды, урман фонды, Татарстан Республикасының махсус сакланыла торган территорияләре һәм объектлары җирләре җирләрен дәүләт кадастр бәяләве нәтиҗәләрен раслау турында» боерыгы Татарстан Республикасы Юстиция министрлыгында 21.10.2019 ел, №5832.
Күрсәтмә күчермәсе, шулай ук су фонды, урман фонды, Татарстан Республикасының аеруча саклана торган территорияләре һәм объектлары җирләре дәүләт кадастр бәяләве нәтиҗәләре Татарстан Республикасы Җир һәм мөлкәт мөнәсәбәтләре министрлыгы сайтының «Су, урман фонды һәм ТР махсус сакланыла торган территорияләре һәм объектлары җирләре» бүлекчәсендә «Дәүләт кадастр бәяләве нәтиҗәләре» бүлегенең «гамәлдәге нәтиҗәләре» бүлекчәсендә урнаштырылды .http://mzio.tatarstan.ru/rus/zemli-vodnogo-lesnogo-fondov-i-osobo-ohranyaemih.htm).

ТР Җир һәм мөлкәт мөнәсәбәтләре министрлыгы тарафыннан 2019 нчы елның 21 ноябрь көнне автотранспорт чаралары сату буенча электрон формада аукцион үткәрелә. Сатуга чит илдә җитештерелгән автомобильләр куелды. Сату турында мәгълүматларны   Россия Федерациясенең рәсми сайтында  www.torgi.gov.ru, ТР Җир һәм мөлкәт мөнәсәбәтләренең сайтында www.mzio.tatarstan.ru һәм на электрон  мәйдан - sale.zakazrf.ru сайтларында таба аласыз.

Сатуда катнашу өчен претендентлар электрон  мәйдан - sale.zakazrf.ru сайтында теркәлергә тиешләр.

Аукционда катнашу өчен гариза бирү, өстәмә мәгълүмат алу өчен эш көннәрдә сәг. 09-17.00 кадәр, җомга көнне 15.45 сәг. кадәр (төш вакыты 11.45-12.30) Казан, Вишневский ур., 26 йорт, 1 кат, 1106 каб. Тел. (843)264-30-81 мөрәҗәгать итәргә мөмкин.