ЯҢАЛЫКЛАР
Бүген Әгерҗе муниципаль районы Администрациясендә Татарстан Республикасы һәм Удмуртия Республикасы арасындагы чикне билгеләү буенча эш төркемнәре күчмә киңәшмәсе узды.
Татарстан Республикасы Пространство белешмәләре фонды белгечләре тарафыннан муниципаль районнарның генераль планнарын, җир кулланылышы һәм төзелеше кагыйдәләрен эшләп чыгару, шулай ук шәһәр төзелеше документларын тикшерү дәвам итә.
Августта “ТР ПБФ” ДБУ проектлар әзерләү бүлеге Әгерҗе муниципаль районының Салагыш авыл җирлеге генераль планын эшләүне тәмамлады. Проект ФГИС ТП сайтына килештерү һәм раслау процедураларын узу өчен урнаштырылды. Шулай ук Биектау районының Дачное һәм Красносельский авыл җирлекләре җир кулланылышы һәм төзелеш кагыйдәләре тулысынча әзерләнеп, районга килештерү өчен җибәрелде.
Бүген Татарстан Республикасы Президенты Рөстәм Миңнеханов рәислегендә «Татнефть» ГАҖ Директорлар советының чираттагы утырышы узды. Утырыш Татарстан Республикасы Хөкүмәте Йортында узды.
«Татнефть» төркеменең 2022 елның алты аенда финанс-хуҗалык эшчәнлеге нәтиҗәләре каралды. Тулаем алганда, беренче яртыеллыкта финанс-икътисадый күрсәткечләр, нигездә, нефть һәм нефть продуктларына бәяләр арту, шулай ук җитештерүнең нәтиҗәлелеген арттыру һәм ресурслардан нәтиҗәле файдалану чаралары хисабына, фаразланган күрсәткечләрдән артып киткән. Шул ук вакытта 2022 елның икенче кварталындагы эшчәнлек нәтиҗәләренә рубльне ныгуы, төркем бизнесы составындагы үзгәрешләр һәм башка факторлар басым ясаган.
Директорлар советы «Татнефть» төркеменең агымдагы шартларда стратегиясен гамәлгә ашыру мәсьәләсен карады. Тышкы мохит үзгәрүгә һәм шиннар бизнесы төркеменнән чыгуга карамастан, компания көчле позицияләрен саклый. Аларны сакларга ресурс потенциалын, технологик компетенцияләрне, нефть эшкәртү һәм нефть-газ химиясендә бизнесны диверсификацияләү мөмкинлек бирә. Нефть чыгару сегментында максатларга шулай ук нефть сервисы блогының компетенцияләрен көчәйтү һәм үсеше хисабына ирешү планлаштырыла, шуның нәтиҗәсендә җитештерү вакыты сизелерлек киметеләчәк, чагыштырма чыгымнар киметеләчәк, эш сыйфаты һәм эчке заказчылар планнарын үтәү төгәллеге арттырылачак.
Бүген ТР Финанс министрлыгы тарафыннан үткәрелә торган бурычларны киметүгә һәм салымнар буенча җитешсезлекләргә бәйле чираттагы атналык киңәшмә узды. Очрашуда Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча суд приставлары федераль хезмәте идарәсе, Татарстан Республикасы Җир һәм мөлкәт мөнәсәбәтләре палаталары (идарәләре, комитеты) вәкилләре катнашты.
Хәзерге вакытта Россия Федерациясендә инвестицияләр җәлеп итүчәнлеген һәм салым салуның нәтиҗәлелеген арттыру өчен җирләрне һәм күчемсез мөлкәтне исәпкә алу буенча дәүләт программасы гамәлгә ашырыла.
Бүген Карелия Республикасы мөлкәт һәм җир мөнәсәбәтләре министры Янина Свидская җитәкчелегендә делегацияс ТР Җир һәм мөлкәт мөнәәбәтләре министрыгы җитәкчелеге составы белән очрашты. Кунаклар ТР Җир һәм мөлкәт мөнәсәбәтләре министрлыгы эшчәнлегенең төп юнәлешләре белән җентекләп таныштылар. Очрашу барышында җир ресурслары, дәүләт учреждениеләре һәм эшкуарлыкка ярдәм итү предприятиеләре белән идарә итү, дәүләт һәм муниципаль милекне исәпкә алуны оештыру, муниципаль берәмлекләр белән хезмәттәшлек итү, территориаль планлаштыру һәм шәһәр төзелеше зоналары булдыру, торак пунктлар чикләрен исәпкә кую һәм РФ субъектлары чикләрен билгеләү һәм дәүләт мөлкәте һәм җир ресурслары белән идарә итүнең башка актуаль сораулары каралды.
ВКС режимында ДБУ «Татарстан Республикасының пространство мәгълүматлары фонды», Росреестр һәм Федераль кадастр палатасының Татарстан Республикасы буенча идарәләре вәкилләренең эш киңәшмәсе оештырылды. Катнашучылар муниципаль районнарның территориаль планлаштыру схемаларына үзгәрешләр кертү буенча эшләрнең агымдагы статусы турында фикер алыштылар.
Татарстан Республикасының Җир һәм мөлкәт мөнәсәбәтләре министрлыгы өченче затларның ирекле хокукларыннан, хуҗалык алып бару хокукыннан, оператив идарә хокукыннан, шулай ук кече һәм урта эшкуарлык субъектларының мөлкәти хокукларыннан тыш, Татарстан Республикасы милкендәге мөлкәтне арендалау шартнамәләре төзү хокукына аукционда катнашуга аукцион игълан итте.
Аренда килешүенең гамәлдә булу вакыты– 6 ел
Аренда бәясе:
- Арендалауның беренче елында-0 процент;
- икенче елда аренда-0 процент;
- өченче елда аренда-25 процент;
- дүртенче елда аренда-50 процент;
- бишенче елда аренда-75 процент;
- алтынчы һәм аннан соңгы елларда – милекне арендага бирүнең базар бәясен бәяләү нәтиҗәләре буенча билгеләнгән аренда түләвенең 100 проценты.
РФ Президенты Владимир Путин “Милли пространство белешмәләре системасы” (НСПД) дәүләт программасын булдыру турындагы йөкләмәләрне раслады, әлеге документ дәүләт башлыгы сайтында урнаштырылды.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Җир һәм мөлкәт мөнәсәбәтләре министры Фәнил Әһлиуллин «Пространство мәгълүматларының илкүләм системасы» дәүләт программасын гамәлгә ашыруда Татарстан Республикасының катнашуы турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә шулай ук ТР Премьер-министры Алексей Песошин да катнашты.
Фәнил Әһлиуллин «Пространство мәгълүматларының илкүләм системасы» дәүләт программасы Россия Федерациясе Хөкүмәте карары белән 2021 елның декабрендә расланган, дип искә төшерде.
Август башында Росреестр җитәкчесе Олег Скуфинскийның республикага визиты кысаларында илкүләм пространство мәгълүматлары системасын үстерүнең стратегик нигезләре тәкъдим ителде. Системаның төп юнәлеше булып Күчемсез милекнең бердәм дәүләт реестрын тулы һәм төгәл белешмәләр белән тулыландыру тора.
Татарстанда ТР Премьер-министры һәм Росреестрның ТР буенча Идарәсе тарафыннан «Күчемсез милекнең бердәм дәүләт реестрын кирәкле мәгълүматлар белән тулыландыру» проектын тормышка ашыру буенча 2022 – 2024 елларга Татарстан Республикасының «юл картасы» расланды. Республиканың барлык районнары белән диярлек чаралар үтәлеше план-графикларына кул куелды.
Фәнил Әһлиуллин шулай ук торак пунктлары һәм территориаль зоналар чикләре турында мәгълүматларны Күчемсез милекнең бердәм дәүләт реестрына (КМБР) кертү буенча эшләрнең барышы турында сөйләде. Бүгенге көндә бердәм дәүләт реестрында 342 муниципаль берәмлек составына керүче 3119 торак пунктының 1210ы чикләре турында мәгълүмат бар.
Төрле башкаручыларның эшендә 218 җирлекнең генераль планнары бар, аларның үтәлеше 779 торак пункт чикләрен кадастр исәбенә куюны тәэмин итәчәк.
Гамәлдәге закон нормаларыннан чыгып, калган мең кырык сигез торак пунктының чикләрен кадастр исәбенә кую өчен тагын 353 муниципаль берәмлекнең генераль планнарын эшләргә яки муниципаль районнарның территориаль планлаштыру схемаларын эшләү юлы белән чикләрне билгеләргә кирәк.
Фәнил Әһлиуллин билгеләп үткәнчә, генераль планнарны эшләү буенча килешүләрне, нигездә, муниципаль берәмлекләр тарафыннан эшләү өчен беренчел мәгълүматлар бирүнең сузылуы яки алар булмау аркасында төгәлләү мөмкин түгел.
Шулай ук кайбер килешүләрне урман фонды җирләре белән кисешүләр булу һәм заказчының өстәмә эшләр башкаруга (әйтик, ызанлау) финанславы булмау аркасында төгәлләү мөмкин түгел.
Татарстан Республикасының пространство мәгълүматлары фонды тарафыннан торак пунктларның чикләре муниципаль районнарның территориаль планлаштыру схемаларына үзгәрешләр кертү аша билгеләнергә мөмкин булган авыл җирлекләре билгеләнгән.
Бүгенге көндә 35 муниципаль район тарафыннан территориаль планлаштыру схемасына үзгәрешләр кертү аша торак пунктлар чикләрен билгеләү планлаштырылган (35 райондагы 360 авыл җирлеге, 1100дән артык торак пунктны үз эченә алган).
Фәнил Әһлиуллин ассызыклаганча, чикләрне билгеләүнең әлеге механизмын куллану процессны шактый тизләтергә мөмкинлек бирәчәк.
Хәзерге вакытта пространство мәгълүматлары фонды эшендә 225 авыл җирлеге буенча территориаль планлаштыру схемасына үзгәрешләр кертү проектлары бар, бу исә 692 торак пункты чикләре турындагы мәгълүматларны бердәм дәүләт реестрына кертергә мөмкинлек бирәчәк. 2022 ел ахырына кадәр муниципаль районнарның территориаль планлаштыру схемаларына үзгәрешләр кертү аша бердәм дәүләт реестрына торак пунктларның 500 чиген кертү планлаштырыла.
Территориаль зоналар чикләре турындагы мәгълүматларны бердәм дәүләт реестрына кертүгә килгәндә, 913 җирлектәге территориаль зоналарның якынча саны 12,6 мең тәшкил итә.
Җир биләмәләреннән файдалану һәм төзелеш кагыйдәләренең 282 проекты эшләнелә. 560 ПЗЗ проекты эшләргә кирәк.
2018 елдан алып бүгенге көнгә кадәр 209 авыл җирлеге расланган. Әмма территориаль зоналар кадастр исәбенә бары 71 расланган ПЗ буенча гына куелган. ТР Җир һәм мөлкәт мөнәсәбәтләре министрлыгы башлыгы җирле үзидарә органнарын бу юнәлештә эшне активлаштырырга чакырды.