ЯҢАЛЫКЛАР

Бүген ТР Финанс министрлыгы тарафыннан үткәрелә торган бурычларны киметүгә һәм салымнар буенча җитешсезлекләргә бәйле чираттагы атналык киңәшмә узды. Очрашуда Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча суд приставлары федераль хезмәте идарәсе, Татарстан Республикасы Җир һәм мөлкәт мөнәсәбәтләре палаталары (идарәләре, комитеты) вәкилләре катнашты.

ТР Җир һәм мөлкәт мөнәсәбәтләре министрлыгы тарафыннан Татарстан Республикасы милкендәге мөлкәтне озын срокка һәм льготалы шартларда кече һәм урта эшмәкәрле субъектларына тапшыру өчен аренда килешмәсе төзү хокукына аукцион игълан ителде.

Арендага тапшыру срогы – 6 ел

Аренда түләве:

Арендалауның беренче елында – 0 процен;

Арендалауның икенче елында – 0;

Арендалауның өченче елында – 25 процент;

Арендалауның дүртенче елында – 50 процентов;

Арендалауның бишенче елында – 75 процентов;

Арендалауның алтынчы һәм аннан соңгы елларында – мөлкәтнең базар бәясе нәтиҗәләре буенча билгеләнгән аренда бәясенең 100 проценты күләмендә.

Җир һәм мөлкәт мөнәсәбәтләре министрлыгы карамагындагы “ТР Пространство белешмәләре фонды”нда төбәк фондлары булдыру сораулары һәм тәкъдимнәре каралды.

Татарстан парламентарийлары Дәүләт Советы утырышында авыл хуҗалыгы өчен билгеләнгән җирләрдә йортлар төзүгә кагылышлы закон проектын карады.

Бу мәсьәлә буенча җир һәм милек мөнәсәбәтләре министрының беренче урынбасары Артур Галиев чыгыш ясады. Ул 1 марттан «Крестьян (фермерлык) хуҗалыгы турында» 74 нче Федераль законга үзгәрешләр үз көченә кергәнен искәртте.

Федераль закон проекты буенча, авыл хуҗалыгы өчен билгеләнгән җир участогында, шул исәптән, крестьян-фермер хуҗалыклары биләмәләрендә өч каттан да артмаган торак йорт төзелеше, реконструкция һәм кулланышка тапшыру рөхсәт ителә. Йортның гомуми мәйданы 500 квадрат метрдан артмавы һәм җир участогы мәйданының 0,25 проценттан артык өлешен биләп тормавы шарт.

Кичә ТР җир һәм мөлкәт мөнәсәбәтләре министры урынбасары Рөстәм Шәмеев видеоконференция режимында дәүләт хезмәтләрен электрон рәвештә күрсәтү сораулары буенча киңәшмә үткәрде. Киңәшмәдә Татарстан Республикасы Икътисад министрлыгы, Татарстан Республикасы Юстиция министрлыгы, «Татарстан Республикасы цифрлы трансформация үзәге» ГКУ, «Татарстан Республикасы Мәгълүмати технологияләр үзәге» ДУП, «Татарстан Республикасы Министрлар Кабинеты каршындагы Татарстан Республикасы Икътисадый һәм социаль тикшеренүләр үзәге» ДБУ, «Татарстан Республикасында дәүләт һәм муниципаль хезмәтләр күрсәтүнең күпфункцияле үзәге» ДБУ (алга таба – «КФҮ» ДБУ) вәкилләре һәм Татарстан Республикасы Җир һәм мөлкәт мөнәсәбәтләре министрлыгы хезмәткәрләре катнашты.

Татарстан Республикасының бәяләүчеләр союзы идарәчелеге уиырышында 17.03.2022 үткәрү планлаштырылган еллык гомуми җыелышының көн тәртибе расланды.

Шулай ук кергән тәкъдимнәрне исәпкә алып, 2022 елга бәяләү эшләрен башкаруга тәкъдим ителгән минималь тарифлар расланды (ТР. рф сайтында бастырыла).

"ТР Бәяләүчеләр союзы" КП 2022 елда юбилей чараларын оештыру турында карар кабул ителде, оештыру комитеты формалаштырылды, семинар форматы, тантаналы утырыш һәм Россия бәяләүчеләре оешмалары җитәкчеләре белән берлектә күчмә чаралар билгеләнде. Башкарма дирекциягә, берләшмәне берләштерүдә, дәүләт-шәхси партнерлыкны үстерүдә, бәяләүнең сыйфатын күтәрүдә берлекнең әһәмиятлелеген исәпкә алып, хакимиятнең профильле органнарына, республика җитәкчелегенә, Күзәтчелек советы әгъзаларына, шул исәптән 2022 елның 10-12 августында юбилей чараларын оештыруда ярдәм итү турында Россия СРО җитәкчеләренә мөрәҗәгатьләр әзерләргә кушылды.

ТР җир һәм мөлкәт мөнәсәбәтләре  министры урынбасары Максим Рогожкин видеоэлемтә ярдәмендә Татарстан Республикасы чиген билгеләү буенча оештырылган эш төркеменең чираттагы атналык киңәшмәсен үткәрде. Киңәшиә эшендә “ТР Пространство белешмәләре фонды” директоры Айрат Усманов һәм Фондның геодезия һәм картография бүлеге җитәкчесе Андрей Логашин, шулай ук ТР Урман хуҗалыгы министрлыгы, республиканың Кадастр палатасы һәм Росреестр идарәсе вәкилләре дә катнашты.

Россия Федерациясе Җир кодексының 39.3, 39.6 статьяларында җир кишәрлеген милеккә, арендага, торгларда һәм сатулар үткәрмичә бирү очраклары билгеләнде.

Җир кишәрлеген бирү буенча аукцион үткәрү тәртибе Россия Федерациясе Җир кодексының 39.11 – 39.13 статьялары белән җайга салына.

Бүген ТР Җир һәм мөлкәт мөнәсәбәтләре министрлыгы карамагындагы ТР Пространство белешмәләре фондында Алексеевск районы башкарма комитеты җитәкчесе Олег Гайнуллин һәм районның инфраструктура үсеше бүлеге җитәкчесе Тимур Кәлимуллин белән очрашу узды.

Киңәшмәдә Алексеевск муниципаль районынынң генераль планнары белән җир кулланылышы һәм төзелеш кагыйдәләрен булдыруга кагылышлы актуаль сораулар каралды. Шулай ук җитәкчеләр арасында билгеле торак пунктлар чиген билгеләүне территориаль планлаштыру схемасына үзгәрешләр кертү юлы белән булдыру турында килешү төзелде.

Бүген безнең ведомство оешуның 31 еллыгын билгеләп үтә. Казан губерниясе территориясендә дәүләт милке белән идарә итү буенча ведомствоны булдыру тарихы 1838 елның маеннан башлана, ул чакта император Указы нигезендә Казан губернасы губернаторы канцеляриясе каршындагы Дәүләт милке белән идарә итү буенча Палата төзелә.

80 - 90 еллар чигендә милек мөнәсәбәтләрен җайга салу янә актуальләшә бара. Татарстан ССР Югары Советы карары белән 1991 елның 7 февралендә дәүләт милке белән идарә итү буенча Татарстан Дәүләт комитеты гамәлгә куела. Дәүләт комитеты икътисад һәм халыкның, барыннан да элек, җирдән файдалану өлкәсендә төп мәнфәгатьләренә кагылышлы базар реформаларын үткәрү инструментына әверелде. Бүген ТР Җир һәм мөлкәт мөнәсәбәтләре министрлыгы республикада  җир һәм мөлкәт мөнәсәбәтләре өлкәсендә бердәм дәүләт сәясәтен башкара. Дәүләт мөлкәте һәм җир ресурслары белән идарә итү, хосусыйлаштыру, идарә итү һәм эш итү өлешендә Татарстан Республикасы милекчесе вәкаләтләрен гамәлгә ашыра.