ЯҢАЛЫКЛАР

Бүген Татарстан Республикасы Пространство белешмәләре фондында республика районнарының башкарма комитетлары җитәкчеләре һәм территориаль планлаштыру документлары өчен җаваплы вәкилләре белән видеоэлемтә аша киңәшмә узды.

Очрашуда Фонд белгечләре тарафыннан эшләнелгән интерактив карталар күрсәтелеп, һәр районда генераль планнар һәм ПЗЗ (җир кулланылышы һәм төзелеш кагыйдәләре) торышын күзәтеп бару мөмкинлеге барлыгы аңлатылды.

"Россия Федерациясенең аерым закон актларына үзгәрешләр кертү турында" 06.12.20021 ел, № 408-ФЗ Федераль закон нигезендә РФ Шәһәр төзелеше кодексына үзгәрешләр кертелде. Хәзер төзүче, вәкаләтле органга яки оешмага җибәрелә торган капиталь төзелеш объектын файдалануга тапшыру турындагы гариза нигезендә, мондый объектка хокук турындагы язманы Күчемсез милекнең Бердәм дәүләт реестрына кертүне дә кертеп, кирәкле хезмәтләрнең бөтен комплексын алырга мөмкин. Моның өчен Капиталь төзелеш объектын файдалануга тапшыруга рөхсәт бирү турындагы гаризада төзүчегә хокукларны дәүләт теркәвенә алуны гамәлгә ашыру өчен дәүләт пошлинасын түләү турындагы белешмәләрне күрсәтергә кирәк.

Бүген Татарстан Республикасы Президенты Р.Н. Миңнеханов рәислегендә Әлмәттә В.Д. Шашин ис. «Татнефть» ГАҖ Директорлар советы утырышы узды. Утырышта 2021 елның 11 ае эчендә «Татнефть» ГАҖ бюджеты үтәлеше нәтиҗәләре каралды һәм 2022 елның гыйнвар аена һәм беренче кварталына бюджет расланды.

Бүген Җир һәм мөлкәт мөнәсәбәтләре министрлыгында министр урынбасары Максим Рогожкин рәислегендә Татарстан һәм Чувашия Республикалары арасындагы чикне билгеләү буенча эш төркеме утырышы узды.

Татарстан Республикасы Пространство белешмәләре фонды тарафыннан республика торак пунктларының генераль планнары һәм ПЗЗ (Җир кулланышы һәм төзелеш кагыйдәләре) эшләнелешен күрсәтүче карта булдырылды.

Бүген Татарстан Республикасы Хөкүмәте Йортында узган киңәшмәдә Татарстан Республикасы җир һәм мөлкәт мөнәсәбәтләре министры Фәнил Әһлиуллин республикада өч һәм аннан да күбрәк баласы булган гражданнарга җир кишәрлекләре бирү турында хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин катнашты.

2021 елда күп балалы гаиләләргә җир кишәрлекләре бирү эше дәвам итте. Татарстанда җир кишәрлекләре бирү исемлегенә 65 967 гаилә кертелгән.

Кадастр исәбенә 45 790 җир кишәрлеге куелган. 41 724 күп балалы гаилә җир кишәрлекләре белән тәэмин ителгән, 24 243 гаилә бушлай җир кишәрлеге бирүне көтә.

2021 елда күп балалы гаиләләрне җир кишәрлекләре белән тәэмин итү буенча республика индикаторы (2020-2022 елларга халыкның тормыш сыйфатын һәм эшчәнлек нәтиҗәлелеген бәяләү) тарафыннан билгеләнгән. Агымдагы ел күрсәткече 69,0% тәшкил итә.

Министр муниципаль районнар буенча мәгълүматлар китерде. Ул билгеләп үткәнчә, 19 муниципаль берәмлектә 2021 елда күп балалы гаиләләрне тәэмин итү эше тулысынча үтәлгән, 11 районда ул 90нан 99% ка, биш районда – 80тән 90% ка кадәр.

Гомумән алганда, агымдагы елда республика буенча 31 участок бирелгән. Дефицитның 70% - ы Казан һәм Чаллыга туры килә.

Казан шәһәрендә 6 659 гаиләгә җир кишәрлекләре бирелде. Сокуры һәм Каймар бистәләрендә муниципаль массивлар үзләштерелде. Федераль массивларны үзләштерү буенча эш дәвам итә.

Министрлыкның Җир ресурслары идарәсе белгечләре хәбәр итүенчә, Татарстан Республикасында барлыгы, Казан һәм Чаллы шәһәрләрен исәпкә алып, 22 639 җир кишәрлеге кадастр исәбендә теркәлгән.

Күп балалы гаиләләр тарафыннан 2 219 җир кишәрлеге сайланган.

Бүген ТР җир һәм мөлкәт мөнәсәбәтләре министры урынбасары Эдик Дияров видеоконференцэлемтә режимында (Zoom платформасында) Хуҗалык җәмгыятьләре һәм ширкәтләре белән идарә итү һәм контрольдә тоту органнарында дәүләт вәкилләре белән эшләү буенча ведомствоара комиссия утырышын уздырды.

Бүген ТР Финанс министрлыгы тарафыннан үткәрелә торган бурычларны киметүгә һәм салымнар буенча җитешсезлекләргә бәйле чираттагы атналык киңәшмә узды. Очрашуда Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча суд приставлары федераль хезмәте идарәсе, Татарстан Республикасы Җир һәм мөлкәт мөнәсәбәтләре палаталары (идарәләре, комитеты) вәкилләре катнашты.

Бүген ТР буенча “Федераль кадастр палатасы” ФДБ учреждениесендә Ульяновск өлкәсе һәм Татарстан Республикасы арасындагы чикне билгеләү соравы буенча чираттагы киңәшмә үтте.

ТР Җир һәм мөлкәт мөнәсәбәтләре министрлыгында министр урынбасары Эдик Дияров рәислегендә дәүләт гражданлык хезмәтенең 2 вакантлы вазифасына конкурс үткәрү буенча комиссия утырышы булды.