ЯҢАЛЫКЛАР
"Татарстан Республикасы Пространство белешмәләре фонды" ДБУ Рослесинфоргтан картографик материаллар - Татарстан территориясендә урманчылык һәм урман кварталлары чикләре алды. Әлеге мөмкинлек 431 ФЗ нигезендә күптән түгел барлыкка килде. Гаризаны фонд сайтында тутырып, электрон имзалап, җибәрергә мөмкин.
Пространство белешмәләре фондында "Татнефть" ГАҖ вәкиле - бүлек җитәкчесе Дамир Гилаев белән очрашу узды.
"Татарстан Республикасының Бәяләүчеләр союзы" КП идарәсе карары нигезендә, Союз сафларына хосусый практик бәяләүче Закиров Руслан Гадел улы кабул ителде.
Элегрәк Союз өчен юбилей елында Татарстан, Удмуртия, Томск өлкәсе, Мәскәү регионнарыннан бәяләүчеләрне берләштерүче коммерцияле булмаган оешма (Яр Чаллы шәһәре), ЧПО Мөхәммәтгалиева Гөлназ Фәрит кызы (Яшел Үзән шәһәре) әгъзалары булган иде.
Бүген ТР җир һәм мөлкәт мөнәсәбәтләре министры Фәнил Әһлиуллин Татарстан Республикасы Хөкүмәте йортында узган республика киңәшмәсендә дәүләт һәм муниципаль унитар предприятиеләрнең агымдагы торышы турында хәбәр итте.
Киңәшмәне Татарстан Премьер-министры Алексей Песошин үткәрде. Татарстан Президенты Рөстәм Миңнеханов видеоэлемтә буенча киңәшмәдә катнашты.
Бүген ТР Финанс министрлыгы тарафыннан үткәрелә торган бурычларны киметүгә һәм салымнар буенча җитешсезлекләргә бәйле чираттагы атналык киңәшмә узды. Очрашуда Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча суд приставлары федераль хезмәте идарәсе, Татарстан Республикасы Җир һәм мөлкәт мөнәсәбәтләре палаталары (идарәләре, комитеты) вәкилләре катнашты.
Министр урынбасары Рөстәм Шәмиев рәислегендә кулланылмый торган күчемсез милек объектларын инвентаризацияләү процессын автоматлаштыру мәсьәләсе буенча киңәшмә узды. Киңәшмә эшендә видеоконференцэлемтә режимында Татарстан Республикасы Икътисад министрлыгы, Татарстан Республикасы төзелеш, архитектура һәм ТКХ министрлыгы, «Татарстан Республикасы Министрлар Кабинеты каршындагы Икътисадый һәм социаль тикшеренүләр үзәге»ДБУ вәкилләре катнашты. Катнашучылар тарафыннан кулланылмый торган күчемсез милек объектларын исәпкә алу буенча норматив базаны үзгәртү һәм аларны хуҗалык әйләнешенә кертү, шулай ук мондый объектларны исәпкә алу һәм инвентаризацияләү процессын автоматлаштыру мәсьәләләре каралды.
Муниципаль районнарның территориаль плаглаштыру схемаларына (СТП) үзгәртүләр кертү буенча эшләр барышы атна саен узучы Татарстанныэ Пространство белешмәләре фонды, Росреестр идарәсе һәм Кадастр палатасының уртак киңәшмәсендә каралды.
Бүген Фондта Казан (Идел буе) федераль университеты вәкилләре белән очрашу узды. Катнашучылар учреждения арасындагы хезмәттәшлек, практикага җәлеп итү һәм студентларның, тыңлаучыларның, аспирантларның стажировка узу мөмкинлекләре сорауларын карап чыктылар. Шулай ук КФУ тәмамлап, фондта эшләгән хезмәткәрләр турында уңай бәяләмә белән уртаклашып, рәхмәт сүзләре әйтелде.
Татарстан Республикасы Президентының гражданнар җәмгыяте институтлары үсешенә керткән өлеше өчен премия бирү комитеты премиягә документлар кабул итүне дәвам итә.
Анда эшчәнлекләре һәм проектлары җәмәгатьчелек тарафыннан танылган һәм гражданлык җәмгыяте үсешенә зур өлеш керткән ТР муниципаль берәмлекләренең социаль юнәлешле коммерциячел булмаган оешмалары һәм гражданнар катнаша ала.
Бүген ТР Җир һәм мөлкәт мөнәсәбәтләре министрлыгында министр Фәнил Әһлиуллин рәислегендә масштаблы инвестицион проектларны тормышка ашыру өчен җир кишәрлекләрен бирү процедурасын гадиләштерү буенча киңәшмә узды. Видеоконференцэлемтә режимындагы мәсьәлә буенча фикер алышуда ТР Президенты ярдәмчесе Рөстәм Мерзакреев, Әгерҗе муниципаль районы һәм ТР ИҮА вәкилләре катнашты.